Lakaxita

Lakaxita

Jaion Zirikusek aurkezten du: Udal Zirkoa salduta!!!!

kartela_Jaion2015

Lakasitaren okupazioaren 10 urtebetetzean Jaion Zirikus Bidasoaldera iritsi da:

Erle Lakaxitianak, jostalariak, jatorrak, euskaltzaleak eta zirikatzaileak desfilearen aurrean dihoaz. Lakaxitaren antzerako eremuetan, non natura eta sormena batzen diren, loreen nektarra xurgatzen dute erleek, egitasmo herrikoiak eta sortzaileak eraikitzeko loreztia erregai bilakatuz. Erleek elikadura burujabetza eta kulturaren autojestioa bermatzen dituzten ekimen aurrerakoiak barreiatzen dituzte Bidasoalde osoan zehar Herri Ziztaden bitartez. Azken hauek herritarrontzako eztitxuak diren neurrian mingotsak dira udalarentzat.

Jarraian soka lasaian dabiltzan funanbuluek ditugu etxe kaleratzearen amildegia oinen azpian dutela. Inmigranteek, etxe barruan eta kanpoan lan egiten duten emakumeek, lanpostu ziztrinak edo batere lanposturik ez dituzten langileek, gazteek eta abar luze batek esku joku trebeak burutzen dituzte hil bukaerara iritsi ahal izateko. Emakume Indartsuak hipoteka esku batekin altxatzen du eta argindarren faktura beste eskuarekin.Aspaldi zintzilikatu zituen Udalak jendarte eta kultur politikak enpresa pribatuen trapezioan eta herritrar askok oreka galdu dute gutxi batzuen etekinen amildegian eroriz!!!

Listor Oiassoatikoek irekitzen dute Udalaren desfilea. Herri Ziztadak ez dituzte maite Listor Oiassoatikoek, erakunderik gabe zenbat gauza egin daitekeen erakusten dutelako.

Udal Aztiak diru publikoa ezker eskuarekin hartzen du, txisteran sartu, eta eskuinako eskuan agertzen da majiaren poderioz pribatua bilakatuz. Ikustezintasunaren dohaina ere harro harro erakusten du eta Irunen dauden ehundaka etxe hutsen inguruko datoak desagerrarazten ditu makiltxo majikoari kolpe bat emanez. Horrela, Irundarron diren eremu berdeak Porlan Deunari eskaintzen jarraituko du etxebizitza berriak eraikitzeko. Berarekin batera Burbuila Higiezina puztu ta puztu egiten da espekulazioarekin lehertu baino lehen, porlan tanttekin dena zipriztinduz.

Udal Pizti Hezitzaileak Gizadiruzko Ordenantza ezarri nahi die piztiei zigorrarekin baina Moskuko Leoiek askatasunaren eta aniztasunaren zaleak dira, beraz menperatzeko zailak!!!

Hiru Buruko Munstruo Santanikoak agintzen du Bidasoaldeko Udalaren desfilean : Irungo eta Hondarribiko alakateen buruak eta Jaizkibelgo sabelaren ura xurgatzeko prest dagoen Txinzer elefantearen burua ditu bihozgabeko munstruoak.
Hiru buru baditu ere TTIP zer den ez daki.

Eta horren atzean, aurrean eta ondoan, azpian eta gainean Porlan Deuna daukagu. Irundarron arnasguneak ziren berde eremu gehienak jan ondoren, Txenperenea, Zubieta, Gaintxurizketa, Ikust Alaia eta Blaia irensteko irrikitan dago pizti aseezin honek, porlana bara bara libratzeko eta Irun Arimarik Gabeko Porlanezko Basamortua bilkatzeko.
Lehenengo heriotz jauzian, Hegoaldeko Ingurubidea eta autopistarekiko lotuneekin kotxeei ireki nahi diete bidea oinezkoen irrisgarritasuna zailtzeko, auzokideen lasaitasunarekin bukatuko lukeen eta lurraldea bitan puskatuko lukeen hesi gaindiezina altxatuz.

Heriotz jauzi bikoitzan AHT Iruna ekarri nahi du, gaurko trenbide eremua desagerraraztearekin batera Gaitxurizketan plataforma lojistiokoa agerrarazteko hango paradisua porlan azpian itoz.

Eta heriotz jauzi hirukoitzan Zubietako baserri lurra aberatsa Miramon parke nanoteknolojikoarekin ordezkatu nahi du.

Listor Oassoatikoak aspaldi saldu zuen Udal Zirkoa eta Listor Espainensis berataz jabetu zen. Honen abilezi ezagunena errepresioa bara bara hedatzea denez harro harro erakusten ditu lege joku bikainak. Hauen emaitza, euskal presoen funtsezko eskubideen ukazioa, Askapena bezalako herri mugimenduen aurkako zigor krudel funtsagabeak, eta Hazia bezalako kultur elkarteen itxieraren mehatxua ditugularik.